Trepetekin lan egitea

4.1. Paletaren leihoko trepetak hautatzea

Paleta leihoko trepetekin lan egiteko aukera hauek dituzu:

Hautapen modua

Hautapen modua erabiltzeko, egin klik Hautatzailea gezian. Erakusleak gezi-itxura hartzen du, hautapen modua aktibatua dagoela adierazteko. Modu horretan, proiektuko trepetak hautatzeko erabiltzen da sagua. Ondoren, Propietateak leihoa erabil dezakezu trepeten propietateak editatzeko.

Trepeten laster-menuak ere erabil ditzakezu trepetak hautatzeko. Egin klik eskuineko botoiarekin trepetaren gainean, trepeten laster-menua irekitzeko.

Mota jakin bateko trepeta bat baino gehiago gehi ditzakezu Paletatik, trepetak hautatzean Kontrol tekla sakatua mantenduta. Hautatzailea gezian edo Paletako beste trepeta batean klik egin behar da modu normalera itzultzeko.

Trepetak kokatzeko modua

Trepetak kokatzeko modua erabiltzeko, hautatu Paleta leihoko trepeta bat. Erakusle-gehi-gurutze bihurtzen da erakuslea, trepeta gehienak aukeratzerakoan Edukiontzien, goi-mailako trepeten eta abarren barruan koka ditzakezu trepetak. Trepeta kokatu ondoren, hautapen modura itzultzen da.

Goi-mailako kokapen modua

Goi-mailako kokapen modua erabiltzeko, hautatu goi-mailako gisa definitutako trepeta bat Paleta leihoan. Paleta leihoan goi-mailako trepeta bat hautatzean, mahaigainean agertzen da trepeta hori. Trepeta hori edita dezakezu, orduan. Goi-mailako trepeta hautatu ondoren, hautapen modura itzultzen da.

4.2. Proiektuko trepetak antolatzea

Trepeten edukiontziak edo kutxak erabiltzen dira proiektu-leihoan trepetak konposatzeko eta antolatzeko. Paleta leihoko trepeta-edukiontzi hauek aukera ditzakezu:

  • Kutxa horizontala
  • Kutxa bertikala
  • Taula
  • Kokaleku finkoak
  • Botoi-kutxa horizontala
  • Botoi-kutxa bertikala
  • Panel horizontalak
  • Panel bertikalak
  • Ohar-koadernoa
  • Markoa
  • Korritze-barrak dituen leihoa
  • Leihatila

Diseinu-egitura konplexuak sortzeko, kutxak habiara ditzakezu. Kutxa horizontalak eta bertikalak sortzean, zenbat errenkada edo zutabekoak sortu behar diren galdetzen du Gladek; baina, gero, erraz gehi edo ken daitezke errenkadak eta zutabeak.

Behar dituzun kutxa guztiak sortu ondoren, bestelako trepetak gehi diezazkiekezu kutxei, hala nola etiketak, botoiak eta trepeta konplexuagoak. Kontuan izan trepetak konposizioaren arabera paketatzen dituela Gladek; hala, lan aspergarri handia ekiditen da. Aplikazioa lokalizatzean, hizkuntza desberdinetako etiketa-tamaina desberdinak sartzeko leihoen tamaina aldatzea gaitzen du kutxak erabiltzeak.

4.3. Trepeta bat arbelean kokatzea

Guraso bateko trepeta kendu eta arbelean kokatzeko, hautatu trepeta eta, ondoren, aukeratu Editatu ▸ Ebaki.

4.4. Trepeta bat arbelean kopiatzea

Trepeta bat arbelean kopiatzeko, hautatu trepeta eta, ondoren, aukeratu Editatu ▸ Kopiatu. Gurasoari lotua gelditzen da jatorrizko trepeta.

4.5. Arbeleko trepeta proiektuan itsastea

Arbeleko trepeta bat proiektuan itsasteko, aukeratu Editatu ▸ Itsatsi.

Trepeta guztiek izen esklusiboa izan behar dute Gladen. Trepeta bat ebakitzen denean, eta, ondoren, trepeta hori proiektuan itsasten denean, trepetak eta trepetaren ume guztiek jatorrizko izenak mantentzen dituzte. Trepeta bat kopiatzen denean, edo trepeta bat proiektuan behin baino gehiagotan itsasten denean, izen berriak sortzen ditu Gladek kopiatutako trepetentzat.

4.6. Trepeta bat ezabatzea

Guraso bateko trepeta bat ezabatzeko, arbelean kokatu gabe, hautatu trepeta eta, ondoren, aukeratu Editatu ▸ Ezabatu.

4.7. Trepeten propietateak aldatzea

Propietate-editorea erabiltzen da hautatutako trepetaren propietateak editatzeko. Trepeta baten propietate bat aldatzeko, hautatu trepeta eta, ondoren, idatzi balio zuzena propietate-leihoko propietate-eremuetako batean.